Und am Suntag gemma Radl foahrn …

Beim Monatstreff jetzt kürzlich woar die Red, wos denn wohl am Sonntag geht?

A Ausfahrt mit dem Radl soll’s holt sein, wenn’s mit dem Bike geht, war’s goar richtig fein!

Do moch i dann holt a glei mit, denkt sich drauf der Richard Quitt.

Ob denn des für mi donn a wos war – oba sicher Margit, eh ganz klar.

Kimt wer kimt – mir wearn schon seg‘n, wer do isch am Suntag donn zugegen.

Iseltaler Straße  um a  neine bei der OMV – am besten in da Dress vom HSV.

Sein’s mehr als 10 donn schreib i was darüber –  und hetz weard’s holt a Gedichtl wieder.

Sigsch Martin, dass i nit lei wos versprechen tua – mir lossat des jo decht ka Ruah.

Die Michelbachrunde soll es heit nun sein – die Tour weard oba richtig fein.

Und von welcher Seite nemma sie denn donn -  jo wia gemma des jetzt schon wieder on.

Zin sogen hot’s  bei uns holt immer no der kluge Mann – koa Red - mir foahrn sie über St. Johann.

Übern Stoanbruch aufi – is heit  richtig hoaß und fein – jo Obmann, kannat’s no a bissl steiler sein?

Bei der Wirtsalm do gibt’s die erste Rast – bis dorthin nur keine Hast.

Und wer kimmt denn do no olls daher – an Haufen HSV-ler, wos brauchsch do noch mehr.

Olle sei ma aufi kemmen, sowas lossat sich bei uns  ja kana nemmen.

Tüchtig sein se und a guat trainiert – do foahrt wirklich jeder ungeniert.

Der Vorstand isch beinah komplett zugegen – na wie dei die Freinschaft pflegen.

Und mir foahrn donn a glei weiter – olle luschtig, froh und heiter.

Mir kehren in der Ainet zua – im Camp do gibt’s a guates Essen – Bua.

In Oberlienz kehr ma donn beim Obmann ein – do gabat’s no a Schnapsl – fein!

Dabei is donn holt net geblieben – ihr kennt’s mas glauben, all ihr Lieben.

Do gibt’s jo nit lei Trauben und an Wein, die homm die beschten Sochen kob und es woar so fein.

Mir sein do no a Zeitl g’sessn – hätten dann des Hamgeh’n bold vergessen.

Irgendwonn schau i donn auf die Uhr zu später Stunde – jessas na, da Zeiger isch schon wieder in da Runde.

Die Sonne sieht man hetz jo a schon nimmer – na mit uns weard des wohl immer schlimmer.

Schnell pock ma zomm und sein dahin – so macht das Radlfoahrn für uns holt Sinn.